大家知唔知呢塊係咩？係眼膜。
果日去買面膜，售貨員拎出嚟之後，仲猛咁介紹呢塊眼膜，我見呢個市道，佢見我無乜反應都講咗咁耐，一時心軟就同佢買啦，反正都係貼多塊嘢喺面。
結果，我返到屋企完全用唔到。
極小心咁從個袋拎塊眼膜出嚟，塊眼膜有張膠貼貼住，用嚟固定形狀，於是我連膠貼打開，先發現塊貼都幾刮手，所以都唔敢連膠貼貼上眼，我亦諗住無塊膠貼都用到（至少我用其他面膜都無問題），點知，原來呢塊嘢嘅物料弱過棉，拎上手就急速變形，令貼喺眼圈位置因為有重量而墮到好幼，幼到根本無可能貼上眼，夾硬貼只會貼咗條線上眼，分分鐘貼出眼紋。
呢個故事教訓我：下次只買自己需要嘅嘢🤦🏻♀️呢塊嘢我用嚟潤門，度門都有啲乾🤣
Search